رهبران چین و تاجیکستان گفته‌اند که از ایجاد دولت فراگیر در افغانستان با حضور نماینده‌گان همه اقوام ساکن در این کشور حمایت می‌کنند.
این مطلب در بیانیه‌ای مشترک شی جین پینگ و امام‌علی رحمان، رییسان جمهور چین و تاجیکستان روز شنبه، ۱۶ سرطان، ابراز کرده‌اند.
رییس جمهوری چین در پایان نشست سالانه سران سازمان همکاری شانگهای به شهر دوشنبه، پایتخت تاجیکستان سفر کرده است.
آقای شی در این سفر با امام‌علی رحمان، همتای تاجیکستانی‌اش دیدار کرده است.
آقایان پینگ و رحمان تاکید کرده‌اند که از یک افغانستان صلح‌آمیز، عاری از تروریسم، مواد مخدر و جنگ که بتواند در صلح و ثبات در کنار کشورهای همسایه و منطقه به سر ببرد، حمایت می‌کنند.
ایجاد دولت فراگیری در افغانستان از سوی طالبان در یک هفته اخیر بیشتر از هرزمان دیگر، سرزبان‌ها بوده است.
هفته گذشته و در سفر نخست‌وزیر پاکستان به تاجیکستان و در نشست سران سازمان همکاری شانگهای نیز ایجاد دولت فراگیر در افغانستان از خواست‌های اساسی بود.
