رسانه‌های دولتی روسیه گزارش داده‌اند که قرار است شی جین چینگ، رییس جمهوری چین در سفر به تاجیکستان از دوشنبه دیدن کند.
تاس، خبرگزاری دولتی روسیه روز یک‌شنبه، ۳۰ جون، به نقل از منابع‌اش، از سفر شی به تاجیکستان خبر داده است.
براساس اطلاعات که تاس نشر کرده است، رییس جمهوری چین به دعوت امام‌علی رحمان، همتای تاجیکستانی‌اش به دوشنبه سفر می‌کند.
قرار است این سفر به مدت سه روز و از ۴ تا ۶ ماه جولای (تا چها روز دیگر) انجام شود.
انتظار می‌رود در این سفر شی جین پینگ، رییس جمهوری چین با همتای تاجیکی‌اش دیدار و گفت‌وگوی دوجانبه نیز داشته باشد.
جزییات بیشتر در مورد سفر رییس جمهوری چین تاهنوز نشر نشده است.
سفر شی به تاجیکستان هم‌زمان با برگزاری نشست سازمان همکاری شانگهای صورت می‌گیرد.
نشستی که قرار است ام‌سال با حضور انتونیو گوترش، دبیرکل سازمان ملل متحد برگزار شود.
انتظار می‌رود آقای گوترش در نشست سازمان همکاری شانگهای سخنرانی نیز داشته باشد.
