سازمان جهانی مهاجرت اعلام کرده که ۹۶ هزار و ۵۲۲ شهروند افغانستان در یک هفته کشورشان را ترک کرده و راه مهاجرت را در پیش گرفته‌اند.
این سازمان ناوقت روز یک‌شنبه، ۱۸ سنبله، به وقت افغانستان تازه‌ترین گزارش‌اش از ترک افغانستان توسط شهروندان این کشور را نشر کرده است.
براساس گزارش، از تاریخ ۴ تا ۱۰ سنبله، سال‌جاری ۹۶ هزار و ۵۲۲ تن افغانستان را ترک کرده‌اند.
اطلاعات این گزارش نشان می‌دهد که مقصد نخست شهروندان افغانستان که کشور را ترک کرده‌اند کشورهای ایران و پاکستان بوده است.
به گفته سازمان جهانی مهاجرت شهروندان افغانستان که کشورشان را ترک کرده‌اند علت این اقدام‌شان را دیدار با اعضای خانواده و ادامه تحصیل گفته‌اند.
برپایه آمارهای سازمان بین‌المللی مهاجرت تازه‌ترین آمارها بیانگر افزایش ۳۴ درصدی در ترک افغانستان از سوی شهروندان این کشور بوده است.
این سازمان همچنان گفته که در این مدت حدود ۶۳ هزار تن از شهروندان افغانستان نیز ایران و پاکستان به کشورشان برگشته‌اند.
این گزارش در حالی نشر شده که سازمان بین‌المللی مهاجرت چندی پیش در گزارشی گفت که ۷۴ هزار تن از شهروندان افغانستان در یک هفته کشورشان را ترک و راهی دیار مهاجرت شده‌اند.
