رسانه‌های دولتی اوزبیکستان به نقل از منابع امنیتی این کشور گزارش داده‌اند که هفت چرخ‌بال ارتش پیشین افغانستان از اوزبیکستان به امریکا انتقال داده شده است.
KUN از رسانه‌های اوزبیکستان روز چهارشنبه، ۱۷ دلو، از انتقال، چرخ‌بال‌های ارتش پیشین افغانستان از این کشور به امریکا گزارش داده است.
دیویس فلوریک، سرپرست معاونیت دستیار وزارت دفاع اوزبیکستان انتقال چرخ‌بال‌های یادشده ارتش پیشین افغانستان را تایید کرده است.
براساس گزارش، چرخ‌بال‌های انتقال‌شده از نوع «بلک هاوک» است.
ارتش امریکا این نوع چرخ‌بال‌ها را عملیاتی می‌داند.
ظاهراً چرخ‌بال‌های یادشده در پی گفت‌وگوها میان مقام‌های امریکا و دولت اوزبیکستان به واشنگتن انتقال شده است.
برپایه اطلاعات گزارش، هنگام تسلط طالبان بر افغانستان در ۱۵ آگست سال ۲۰۲۱ پنج‌صد تن از نیروهای ارتش پیشین افغانستان با ۴۶ هواپیما و چرخ‌بال به اوزبیکستان رفتند.
از این میان گفته می‌شود که ۲۲ فروند هواپیمای نظامی بوده و ۲۴ فروند دیگر چرخ‌بال نظامی بوده است.
